Potchefstroom - Amaphoyisa aseVentersdorp aphenya icala lokubulala nelokufa komuntu ngemuva kokuthi indoda idubule umkayo yase iyazidubula nayo.
Lokhu kushiwo amaphoyisa aseNorth West ngoMgqibelo.
Ngokombiko okhona, lezi zithandani beziphuma endaweni yokucima ukoma ngabo-23:00 ngoLwesihlanu ngesikhathi kuqubuka ingxabano, kusho uMajor Pelonomi Makau.
OLUNYE UDABA: Bazibulele abebefuna ukushada
“Owesilisa, 45, ube esedubula umkakhe, 40, emzimbeni nasengalweni wase eyazidubula naye."
Abosizo oluphuthumayo babiziwe bafika le ndoda isishonile, unkosikazi waphuthunyiswa esibhedlela.
"Ngebhadi ushonele emasangweni esibhedlela," kusho uMakau.