Paris – Kuphoqeleke ukuba akhishelwe ngaphandle owesifazane obegqoke izingubo zamaSulumane ezifihla ubuso ngemuva kokuba abalingisi benqabile ukunandisa engaphakathi.
Ngokombiko we-TimesLive iDaily Telegraph idalule ukuthi owesifazane wenkolo yamaSulumane obezobuka umdlalo weshashalazi iLa Traviata e-Opera Bastille ukhishwe kule ndawo ngenxa yokuthi abalingisi balo mdlalo bagolozile ukunandisa engaphakathi kwazise ubehleli ezihlalweni eziphambili.
Lona wesifazane uchazawe njengesivakashi esiqhamuka endaweni yaseGulf ngokusho kwesekela lilamqondisi wale ndawo yemidlalo yeshashalazi uJean-Philippe Thiellay.
OLUNYE UDABA: Abhilitile ngenkunzi ama'Sulumane'
Izwe laseFrance lakuvala ukuthi abesifazane benkolo yamaSulumane bagqoke bazifihle ubuso emphakathini ngo-2011.
UThiellay uthe abalingisi bamtshele ukuthi bazoqhubeka nokulingisa isigaba sesibili salo mdlalo uma lona wesifazane ephumela ngaphandle njengoba umdlalo ubusuqalile.
Kuthiwa utshelwe ukuthi angakwazi ukuhlala ngaphakathi aqhubeke nokubuka umdlalo uma ezoyikhumula le nguba efihla ubuso.
Kubikwa ukuthi eFrance uma owesifazane etholakala egqoke ngale ndlela yokuthi bazifihle ubuso bayahlawulisa isamba semali.
- “Like” ikhasi lethu kuFacebook ukuze uthole izindaba ngolimi lwakho