Jerusalem - Izidlamlilo zaseGaza ezingenele kwa-Israel zihamba ngomhhume zibulale amasosha akwa-Israel amahlanu eNahal Oz, nokuyidolobha elisemngceleni wezwe neGaza Strip.
"La masosha abulawe ngesikhathi abashokobezi bezama ukuhlasela besebenzisa lo mhhume osuka eGaza Strip uya eNahal Oz," kusho uMnyango wozokuVikela esitatimendeni.
Umbutho wezempi kwa-Israel ubiza abeHamas ngabashokobezi njalo uma ukhuluma ngabo.
Lesi sigameko sangoMsombuluko sibeke ku-10 inani lamasosha ashone ngosuku olulodwa.
Angu-53 amasosha akwa-Israel asebulewe kusukela leliya lizwe laqala ukuhlasela eGaza ngoJulayi 8, nokungudlambedlu oselubone abantu ababalelwa ngaphezu kuka-1 000 bebulawa eGaza.
I-Israel yathi yenza lokhu ukuzivikela enhlanganweni iHamas, neyathi ihlasela emoyeni.
- “Like” ikhasi lethu kuFacebook ukuze uthole izindaba ngolimi lwakho
- Landela IzindabaNews24 kuTwitter