Vatican City – UPhapha uFrancis uzonikeza bonke abaphriste umyalelo wokuthi babaxolele bonke abesifazane abake bahushula izisu uma sekuqala unyaka ogcwele wamaRoma aKhatholika.
Encwadini eshicilelwe yiVatican ngoLwesibili, uPhapha uchaze “inkinga abhekene” nabesifazane abake bahushula izisu.
OLUNYE UDABA: Kulungile ukuqondisa ingane ngenduku - UPhapha
Uthi useke wahlangana nalolu hlobo lwabantu besifazane izikhawu eziningi, wathi “bathwele umthwalo onzima” ezinhliziyweni zabo ngenxa yesinqumo abasithatha.
Ngokwezimfundiso zebandla, ukukhipha isisu kuyisono esibhubhisayo ngale ndlela yokuthi abakwenzayo bayanqunywa esontweni.
Lesi sono emaRomeni kuthiwa sixolelwa “ngumphriste ogcotshelwe inkonzo yokuvumisa izono”.