Hebron – Amasosha ase-Israel abulale abalisa ababili basePalestine edolobheni laseWest Bank eHebron abasolwa ngokubulwa amabhungu amathathu.
Ngokubika kwezindaba ze-eNCA laba ababili bangamalungu eHamas kanti babulawe ngoLwesibili njengoba besolwa ngukubulala lamabhungu ase-Israel ngoJuni.
Umbiko uthi uMarwan Kawasme no-Amar Abu Aysha bobabili abaneminyaka ekuma-30 ubudala badutshulwe bashona ujuqu ngesikhathi amasosha ase-Israel egasele emzini okusolakala ukuthi bebehlala kuwona.
OLUNY EUDABA: Kuhlaselwe ngeziqhumane kwa-Israel
Kubikwa ukuthi bese kuphele amasonto amathathu amasosha ethungatha la madoda.
Laba bobabili kubikwa ukuthi bebesolwa ngokuthumba nangokubulala amabhungu amathathu ase-Israel abengabafundi eWest Bank ngomhlaka 12 Juni.
“Sizamile ukubabopha kodwa bavulela ngenhlamvu nathi sangabe sisananaza saphindisela ngenganono,” kusho okhulumela amasosha ase-Israel uLt-Col Peter Lerner.
- “Like” ikhasi lethu kuFacebook ukuze uthole izindaba ngolimi lwakho