Bathole ukuthi bayizelamani abathandanayo

New York - Zithuke zoma izithandani zobulili obubodwa ngesikhathi zizwa ukuthi ziyizelamani ezingezona ezegazi ohlelweni iJeremy Kyle.

UPaul no Lee bahlanga kwi-internet dating service, balokhe bexoxa kuyo iminyaka emibili nesigamu ngaphambi kokuhlangana.

Laba bobabili sebethandane kusukela ngonyaka-2014 kuNovemba.

Ngokusho kwe-www.uk.lifestyle.yahoo.com, uLee wethula uPaul kunina u-Ena noyise angamzali. Abantu babe sebebona ukwefana kwezici zowayengumyeni ka-Ena, uRon nalezo zikaPaul.

OLUNYE UDABA: Siphume phambili isitabane kwelekhefu labazithwele

Kube sekuvela ukuthi uPaul unesibongo esifanayo nesikaRon nokuthi uLee unomfowabo abengakaze ezwe ngaye.

UPaul akazange akhuliswe ngunina kusukela enezinyanga ezingu-18 ezelwe ehlaliswe nosonhlalakahle wabe esethola umndeni eseneminyaka emithathu ubudala.

ULee noPaul babesebevela ohlelweni lwakumabonakude iJeremy Kyle lapho okwenziwa khona ulibofuzo.

Ohlelweni kwadalulwa imiphumela eyayithi uLee noPaul bazalwa ngu-Ena bobabili.

Ngesikhathi uKyle ebabuza ukuthi bazoziguqula kanjani izinto njengoba bebeyizithandani ngemuva kokuthola ukuthi bangobhuti bobabili baphendula bathi abakazi.

IVideo yohlelo:

 - “Like” ikhasi lethu kuFacebook ukuze uthole izindaba ngolimi lwakho                                

 - Landela IzindabaNews24 kuTwitter