Washington - I-video esabalale ngesonto eledlule iveza umama oyimpumputhe waseCanada ebona ingane yakhe ngosizo lwezibuko zobuchwepheshe besimanje.
I-video ikhombisa uKathy Beitz, 29, ebona usana lwakhe olusanda kuzwalwa ngosizo lwezibuko.
"Ngiyaqala ngqa ukubona ingane, futhi kuyangijabulisa ukuthi ngiqale ngeyami,” kusho uBeitz kwi-video.
Funda nalolu daba: Kushone oyedwa kwalimala 37 kuhlasela izihonga.
"Ubelethe ingane wabe esefuna ukuyibona ngaso leso sikhathi,”
kusho uYvonne Felix, udadewabo kaBeitz okunguyena ofake le-video kuYou Tube.
UFelix, naye
onenkinga yamehlo, uqoqa imali yokusiza abantu abaningi abayizimpumputhe ukuba
bakwazi ukuthola lezi zibuko ezimba eqolo ku - makeblindnesshistory.com.
– "Like"
ikhasi lethu ku-Facebook uze ukwazi ukujoyina inkulumo ngolimi lwakho.