Ngokusho kwabeMirror, idolobha iNoiva do Cordeiro elise ndaweni eseningizimu mpumalanga neBrazil elinabantu abangu-600 besifazane bodwa asebezikhalele ngokuzitholela abesilisa abangashadile futhi abangenankinga nokudansela isigingci sabo.
Kepha-ke akusizo zonke izakhamuzi zakuleli dolobha abangashadile.
Abanye balaba besifazane bashadile futhi banemindeni yabo. Abayeni babo basebenzela kude nasemakhaya kanti bavunyelwe ukuba bafike ngezimpelasonto kuphela.
Izngane zesilisa ziyahanjiswa uma sezineminyaka engu-18 ubudala njengoba bengadingeki abantu besilisa kuleli dolobha, kubika iSowetan.
Yize abesifazane bakuleli dolobha bekujabulela ukuba bodwa singekho isicefe sabantu besilisa iningi la labo abahle futhi abangashadile seliqala ukukhathazeka.
"Amadoda esiwabonayo yilawo asevele eseshadile noma ahlobene nathi.Senginesikhathi ngagcina ukuqabula indoda.Sifisa ukuwazi kancono amadoda futhi azokwazi ukushiya izimpilo zawo azohlala nathi.
"Kodwa kufanele avume ukuthobela imithetho yethu kuqala ngaphambi kokuthi azohlala nathi," kuzwakale omunye wesifazane uNelma Fernandes oneminyaka engu-23 ubudala esho njalo.
Okwadala ukuthi bengafuni ukuphathwa nokulawulwa indoda ingoba omunye wabefundisi u-Anisio Pereira osewadlula emhlabeni wayebashayela umthetho kakhulu ebatshela ukuthi bengaphuzi, bengawulaleli umculo, bengahleli nokunye okuningi.
- “Like” ikhasi lethu kuFacebook ukuze uthole izindaba ngolimi lwakho