20 Sep 2014

Isoka livume elokubulala unina wentombi

Denpasar – Umlisa waseMelika useze wavuma ukuthi wabulala unina wentombi yakhe ehhotela likanokusho e-Indonesia, eIsland of Bali, kanti intombi yakhe yona ivumile ukuthi yamsiza ngesikhathi behlohla isidumbu eposimendeni, kusho amaphoyisa ngoLwesihlanu.

Isidumbu esaziqotshiwe sikaSheila von Wiese Mack, 62, satholwa eposimendeni elalisebhuthini lemoto eyayipake ngaphandle kwehhotela iNusa Dua ngo-Agasti 12.

Funda nalolu daba: Osolwa ngokuqoba unina utholele ingane ummeli.

Indodakazi yakhe, uHeather Mack, nesoka layo, uTommy Schaefer, babehlala naye umufi eSt Regis hotel kodwa babalekela kwenye indawo ngemuva kwesenzo sabo.

Babanjwa ngosuku olulandelayo.

Basagcinwe esitokisini eBali njengoba amaphoyisa asaqhuba uphenyo kanti bangase bathole isigwebo sentambo uma betholwa necala lokuhlela ukubulala.

– "Like" ikhasi lethu ku-Facebook uze ukwazi ukujoyina inkulumo ngolimi lwakho.

– Landela IzindabaNews24 kuTwitter (@IzindabaNews24).

We live in a world where facts and fiction get blurred

Who we choose to trust can have a profound impact on our lives. Join thousands of devoted South Africans who look to News24 to bring them news they can trust every day. As we celebrate 25 years, become a News24 subscriber as we strive to keep you informed, inspired and empowered.

Join News24 today

description

username

Show Comments ()