Ayishumi amabhanoyi amasosha ebekuhlelwe ukuba alibhekise e-Indian Ocean, andizele ngakhona ngethemba lokhu angase abone okungaholela ekutheni kutholakale iBoeing 777, okuyibhanoyi elanyamalala ngoMashi 8 lithwele abantu abangu-239.
"Kumisiwe ukuthungatha ngezindiza okwamanje ngenxa yeziso sezulu esingesihle njengoba kuhlasele isishingishane iTropical Cyclone Jack kuleya ndawo," kusho iJoint Agency Coordination Centre, eqhube ngokuthi imikhumbi eyishumi esolwandle yona izoqhubeka nokuthungatha.
"Kubonakele ukuthi isimo sezulu esingesihle senza kungabonakali kahle emanzini uma uphezulu kanti namagagasi nawo makhulu, nokuyinto ezokwenza kube yingozi ukuthungatha ngamabhanoyi."
Izwe lase-Australia yilona elihamba phambili ekuthungatheni ibhanoyi elalisuka eKuala Lumpur liya eBeijing, ekukholakala ukuthi laphahlazeka olwandle i-Indian Ocean.
Kuze kube manje akukatholakali ngisho ucwezu lwale ndiza.
– "Like" ikhasi lethu ku-Facebook uze ukwazi ukujoyina inkulumo ngolimi lwakho.