Kuphenywa ngokutholakala kwezidumbu zezingane

Ottawa -  Kutholwe izidumbu zezingane encane ezine endaweni yokugcina izimpahla entshonalanga yedolobha laseCanada iWinnipeg  ngokusho kwamaphoyisa. 

Amaphoyisa athe athole lezi zidumbu ngoLwesibili kanti aseqalile ukupheka abantu abambalwa ngemibuzo njengengxenye yokuqala kophenyo. 

“Kusenesikhathi ukusho ukuthi ziqhamukaphi lezi zidumbu futhi zifike kanjani kule ndawo, “ kusho uConstable Eric Hofley kwingqungquthela yabezindaba.

OLUNYE UDABA:Kutholakale izidumbu ngasemfuleni

Uqhube wathi lesi yisigameko esikhombisa isihluku esingachazeki. Uthe ubengakezwa lutho ngokunyamalala kwezingane kuleli dolobha.  

Uthe leli yicala elibi kakhulu njengoba kungekho emthethweni ukugcina izidumbu endaweni yokugcina izimpahla. 

Ngokombiko kuthi lezi zidumbu zezingane zitholwe izisebenzi zangaphakathi kule ndawo egcina izimpahla ngoMsombuluko ntambama.

    - “Like” ikhasi lethu kuFacebook ukuze uthole izindaba ngolimi lwakho

      - Landela IzindabaNews24 kuTwitter