28 Jul 2014

Kushone-18 kuhlaselwa ePhilippine

Manila – Amasosha amaSulumane ePhilippine abulale abantu abangu-18 ngoMsombuluko esehlakalweni sokuziphindiselela kulabo abeseka imizamo kahulumeni yokudala uzinzo kuleliya lizwe.

Iningi labantu abasePhilippine bangamaKhatholika kodwa izindawo eziseziqhingini eningizimu, zigcwele iningi lamaSulumane kanti sekuphele iminyaka uhulumeni ezama ukulwisana namavukelambuso awo ngenhloso yokubuyisela izindawo ngaphansi kwakhe.

Nakuba uhulumeni efinyelele esivumelwaneni soxolo neqembu elikhulu lamavukelambuso amaSulumane, iqembu i-Abu Sayyaf lona lisalwa.

Alinganiselwa ku-50 amalungu e-Abu Sayyaf ahlasele izimoto ebeziyisa abantu emgubhweni i-Eid al-Fitr ngaphandle kwedolobha laseTalipao, eJolo island, kusho uBrigadier-General Martin Pinto etshela izintatheli.

Bangu-18 abantu ababulewe, iningi labo bekungabesifazane, kwalimala abangu-11, iningi labo obekuyizingane.

Amasosha asathungatha oshayasibhamu, kusho uPinto.

– "Like" ikhasi lethu ku-Facebook uze ukwazi ukujoyina inkulumo ngolimi lwakho.

– Landela IzindabaNews24 kuTwitter (@IzindabaNews24).

We live in a world where facts and fiction get blurred

Who we choose to trust can have a profound impact on our lives. Join thousands of devoted South Africans who look to News24 to bring them news they can trust every day. As we celebrate 25 years, become a News24 subscriber as we strive to keep you informed, inspired and empowered.

Join News24 today

description

username

Show Comments ()