Katmandu – Kugingqike ibhasi ebeligcwele abantu abaphuma emcimbini kaDiwali obizwa ngeHindu Festival emgwaqweni osentabeni ngokusho kwamaphoyisa aseNepal.
Kubikwa ukuthi kule ngozi abantu abangu-9 bashone ujuqu kwalimala inqwaba yabanye abengaphakathi kuleli bhasi.
Amaphoyisa athe amatasa azama ukuhlonza izidumbu kanti sekutholakala ukuthi oyedwa wabashonile ungowokufika kule ngozi eyenzeke ngoLwesihlanu ekuseni.
Kubikwa ukuthi abangu-25 abalimele baphuthunyiswe ezibhedlela ezahlukene.
OLUNYE UDABA: Kushone 15 kugingqika ibhasi eThailand
Umbiko uveza ukuthi leli bhasi belithwele abantu abacishe bafinyelele ku-100 abasebegoduka bephuma ukuyigubha uDiwali nemindeni yabo.
Kubikwa ukuthi iphume emgwaqweni ngaphambi kokuthi igingqike iphenduke kaningi endaweni eyintabeni.
Amaphoyisa ayaphenya ngembangela yale ngozi eyenzeke enhloko dolobha iKatmandu.
Kubikwa izingozi eziningi eNepal zidalwa imigwaqo yakhona engekho ezingeni.
- “Like” ikhasi lethu kuFacebook ukuze uthole izindaba ngolimi lwakho