Kansas – Kushone abane ngesikhathi kuphahlazeka ibhanoyi elincane ngemuva
kwesikhashana lisanda kusuka esikhumulweni sezindiza eKansas.
Ngokombiko kulesi
sigameko kuphinde kwalimala abahlanu ngesikhathi leli bhanoyi lashayisa
ophahleni lwebhilidi lesikhumulo sezindiza labe selisha ngoLwesine.
Kubikwa ukuthi abathathu abashonile
bebengaphakathi ebhlidini lesikhumulo sezindiza kanti oyedwa bekungumshayeli
wendiza otholakale ngaphakathi eseshonile.
OLUNYE UDABA: Kujike indiza owesilisa enukubeza owesifazane
Abahlanu abalimele kubikwa ukuthi
nabo bebengaphakathi kuleli bhilidi okuphahlazeke kulona leli bahanoyi.
Ngokusho kokhulumela abezicishamlilo uFire Chief Ronald Blackwell abalimele
balashelwe endaweni yesigameko base bephunyiswa esibhedlela kanti oyedwa wabo usesimeni
esibucayi.
Iziphathimandla zikuqinisekisile ukuthi uyedwa obengaphakathi kuleli
bhanoyi ngesikhathi kwenzeka le nhlekelele.
Imininingwane yabashonile
ibingakakhishwa.
- “Like” ikhasi lethu kuFacebook ukuze uthole izindaba ngolimi lwakho