Kandahar - Umuntu oziqhumise ngebhomu esemotweni ushone kanye namaphoyisa ayisihlanu kwalimala ayisithupha eningizimu ye-Afghanistan, kusho izikhulu kuhulumeni ngoLwesine.
Indoda engaziwa kuthiwa igasele ngemoto yashayisa ubonda ekomkhulu lamaphoyisa e-Arghistan, esifundazweni iKandahar, kusho umkhulumeli kahulumeni uJavid Faisal.
"Amaphoysia amahlanu akade egade esangweni ashonile ayisithupha alimala," kusho uFaisal.
Isifundazwe lesi siyisizinda seqembu iTaliban, elidlangile ekuhlaseleni uhulumeni nezinhlaka zangaphandle.
AbeTaliban akaze baphawule lutho ngalesi sehlakalo.
– "Like" ikhasi lethu ku-Facebook uze ukwazi ukujoyina inkulumo
ngolimi lwakho.
– Landela IzindabaNews24 kuTwitter (@IzindabaNews24).
Sapa-DPA
