Washington – Kutholakale isidumbu somfana endaweni yesondo lebhanoyi lamasosha elifike eGermany, kusho izikhulu zamasosha aseMelika ngoLwesibili, nokudale imibuzo ngezokuphepha njengoba leli bhanoyi lime kaningi ezindaweni zase-Afrika.
Abasebenzi basebhanoyini bathole isidumbu somfana ngeSonto ngemuva kokubona indwangu endaweni ebivulekile ebhanoyini ngesikhathi kuhlolwa isimo sebhanoyi i-C-130J ngemuva kokuhlala eRamstein Air Base.Ngesikhathi beyidonsa indwangu, bathole ukuthi igaxele kumfana obengaphakathi lapho kuhlala khona isondo, kusho izikhulu.
Ukhomanda wamasosha , uJohn Kirby, uthe isidumbu ngesomfana omnyama okungenzeka ukuthi ungowase-Afrika.
Leli bhanoyi belihamba amazwe ase-Afrika, kanti lime eSenegal, Mali, Chad, Tunisia naseNaval Air Station Sigonella eSicily ngaphambi kokuba lifike eRamstein.
Esinye isikhulu saseMelika ngoLwesibili sithe kungenzeka ukuba lo mfana ukotele ebhanoyini ngesikhathi liseMali.
– "Like" ikhasi lethu ku-Facebook uze ukwazi ukujoyina inkulumo ngolimi lwakho.
– Landela IzindabaNews24 kuTwitter (@IzindabaNews24).