Ottawa – Kutholakale owesifazane nezingane zakhe ezintathu, ezingaphansi kweminyaka engu-9 ubudala, bebulewe kwaphinde kwatholakala nesidumbu sosolakala ukuthi ungumbulali wabo eCanada.
Amaphoyisa azithele phezu kwalesi sibhicongo ekuseni ngoLwesithathu eTisdale, ngemuva kokuthintwa yisihlobo esicele ukuba kuyobhekwa owesifazane ngoba besingazange sikhulume naye ngayizolo.
OLUNYE UDABA: Kutholakale ezinye izidumbu 'upulazini lokufa'
"Isihlobo sithe akujwayelekile ukuthi kuphele usuku bengakhulumanga,” kusho okhulumela amaphoyisa uMandy Maier etshela isithangami sabezindaba.
Uphenyo luholele komunye umuzi okutholakale kuwo owesilisa osolwa ngalesi sigameko, naye ezibulele.