London – Amaphoyisa aseBrithani nawaseFrance aqalise uphenyo olunzulu ngoLwesihlanu ngemizamo yokuthola umfanyana ogula kakhulu othathwe ngabazali bakhe esibhedlela, kuthiwa uma engatholakali ngokushesha angase ashone.
U-Ashya King, 5, onesimila engqondweni, ukhishwe ngumama wakhe esibhedlela iSouthampton General Hospital eNgilandi, ngoLwesine ntambama ngemuva kwesikhashana baya eFrance ngomkhumbi.
"Uma singamtholi umfana namhlanje impilo yakhe ingase ibe sengcupheni," kusho uDetective Superintendent Dick Pearson.
"Ubethola ukwelashwa okunzulu esibhedlela ngemuva kokuhlinzwa kwakhe nezinkinga anazo,” kusho amaphoyisa.
Amaphoyisa athe umndeni womfana ubuhamba ngemoto ensundu yohlobo
lweHyundai, kanti kungenzeka ukuba u-Ashya bebemfake kwi-wheelchair.
– "Like"
ikhasi lethu ku-Facebook uze ukwazi ukujoyina inkulumo ngolimi lwakho.