Kuthungathwa izithandani ezigqibe ingane iphila

New Delhi - Intombazanyana ihlengwe ngabalimi ensimini thizeni eNdiya ngemuva kokugqitshwa iphila ngu-anti nomalume wayo, kusho umbiko wabezindaba.

Le ngane ehamba inkulisa, ikwazile ukukhipha ikhanda layo enhlabathini yase isho ngesankahlu icela usizo, ngenhlanhla kukhona abalimi eduzane.

Lokhu kwenzeke edolobheni i-Uttar Pradesh, kusho umbiko we-Asian Age.

Lesi sigameko senzeka ngoMsombuluko.

Le ngane itshele amaphoyisa ukuthi u-anti nomalume wayo baqale bayititinya ngenduku bayinklinya, sebecabanga ukuthi isishonile, base beyayigqiba ngomhlabathi.

“Sizame ukumba umhlabathi ngezandla ukuze ingane ingalimali," kusho ozibonele othe igama lakhe unguRamrati.

Amaphoyisa athi asathungatha abasolwa.

 - “Like” ikhasi lethu kuFacebook ukuze uthole izindaba ngolimi lwakho

 - Landela IzindabaNews24 kuTwitter