Ashburton - Amaphoyisa aseNew Zealand aqalise ukuthungatha umlisa ngoMsombuluko kulandela isehlakalo sokudutshulwa kubulawe abantu ababili kanye noyodwa odutshulwe walimala emahhovisi kahulumeni, kusho amaphoyisa.
Umlisa obezifihlile ubuso, ephethe isibhamu, ungene emahhovisi eWork and Income edolobheni lase-Ashburton, okuyindawo engamakhilomitha angu-75 ukusuka eChristchurch, wafike wavulela ngenhlamvu ngaphambi kokuba abaleke, kusho imibiko icaphuna amaphoyisa.
Amaphoyisa agasele emzini ose-Ashburton ngemuva kwesehlakalo, athi efuna umlisa okuthiwa ngu-John Tully,kubike iphephandaba.
Izakhamuzi zitshelwe ukuthi ziphume ezindlini uma kunesidingo
kuphela, futhi zazise amaphoyisa uma kukhona ezikusolayo, kubike iNew Zealand
Herald.
– "Like"
ikhasi lethu ku-Facebook uze ukwazi ukujoyina inkulumo ngolimi lwakho.