Lichithiwe elabathwala 'inkomo' kaMary

Barcelona – Inkantolo yaseSpain ichithe icala ebelifakwe ngabameli benkolo yobuKistu abazibiza ngeSpanish Association of Christian Lawyers lababhikishi abagcwala izitaladi  bephethe isichuse sesitho sangasese sikamama kaJesu uMary.

Kubikwa ukuthi leli cala lichithwe ngemuva kiokuba abamangali behlukile ukukhomba ababhikishi ababephethe lesi sichuse esasusa umsindo kuleli lizwe.

Ngokombiko lweThe Olive Press lesi sichuse esikhulu sazungeziswa maphakathi nedolobha iMalaga nokuyisona sizathu esaholela ekutheni laba bameli bavule icala.

Ngokomthetho waseSpain:

OLUNYE UDABA: Ushonile owashiswa kugcinwa inkolo 'yobuSathane'

“Labo abatholwa benecala lokuchwensa amalungu anoma iyiphi inkolo noma ngayiphi indlela bazogwetshwa izinyanga ezisukela kwezingu-8 kuya kwezingu-12 bebhadla ejele.”

Nakuba ijaji lithole lesi senzo kungesidelela kakhulu inkolo yobiKristu kodwa liphoqeleke ukuthi ilichithe leli cala ngenxa yokuthi abamangali bahlulekile ukukhomba ababethwele lesi sichuse sesitho sangasese.  

Ngokombiko lo mbhikisho wenzeka ngomhlaka 8 kuMashi ngosuku lokugubha usuku olubizwa nge-International Women’s Day.

Ngalolu suku ababhikishi baphinde bathwala ibhokisi bezwakalisa ulaka lwabo ngabakubiza ngokufa kwamalungelo ezisebenzi.

      - “Like” ikhasi lethu kuFacebook ukuze uthole izindaba ngolimi lwakho

       - Landela IzindabaNews24 kuTwitter