Dublin – Amaphoyisa ase-Ireland athi kubulawe iphoyisa ngemuva kokuthi lidutshulwe lizama ukulamulela owesifazane obedutshulwa umyeni wakhe.
Amaphoyisa athi leli phoyisa lishonele endaweni yesigameko kwathi indoda, 24, elidubulile nayo yazibulala ngaso isibhamu.
Kulesi sigameko kuphinde kwalimala unkosikazi, okunguyena obize amaphoyisa esabela impilo yakhe – kumanje usesimweni esibucayi esibhedlela.
OLUNYE UDABA: Kubulawe iphoyisa lisiza kamakhelwane
Amaphoyisa awagodlile amagama alaba kuze kube kwaziswa izihlobo zabo.
Lesi sigameko senzeke ngeSonto esigodini sase-Omeath, enyakatho ne-Ireland.
Iningi lamaphoyisa ase-Ireland awaziphathi izibhamu.