Lushonile usana olulunywe amagundane esibhedlela

New Delhi – Usana olusanda kuzalwa lushonile ngemuva kokulunywa amagundane esibhedlela sikahulumeni eNdiya lapho belulashelwa khona, kusho umama walo ngoLwesine.

Kumiswe izisebenzi zempilo ezintathu kulandela lesi sigameko esenzeke eGuntur Government Hospital, e-Andhra Pradesh, lapho bekulashelwa khona lolu sana olunezinsuku eziyishumi luzelwe.

Umama uChavali Lakshmi uthe ubikele amanesi ngemuva kokubona ukuthi usana lwakhe ludliwe iminwe kulesi sibhedlela.

OLUNYE UDABA: Kushone ingane inqola yayo ingena kujantshi

"Ingane yethu bekumele ihlinzwe ngesikhathi sibonaukuthi ilimele esandleni sokudla. Kube sekusicacela ukuthi idliwe amagundane,” kusho uLakshumi etshela izintatheli.

Inhloko yase-Andhra Pradesh , uN Chandrababu Naidu, uthe bamise izisebenzi ezintathu kulandela lesi sigameko.

"Sishaqekile kakhulu ngalesi sigameko sokushona kwengane yomfana ngenxa yokulunywa amagundane isesibhedlela,” esho.