Tokyo – Owesilisa waseJapan uzinikele emaphoyiseni ngemuva kokuthela umlotha kankosikazi wakhe ethoyilethi lasesitolo wase elishaya, kusho umbiko wamaphoyisa ngeSonto.
Le ndoda, 68, itshele amaphoyisa ukuthi ilahle umlotha kankosikazi wayo esitolo sokudla esiseTokyo esanda kulothiswa ngenyanga eyedlule.
Amaphoyisa athintwa ngemuva kokuthi kubonakale umlotha namanye amathambo omzimba womuntu, okubalwa nesilevu endlini yangasese.
OLUNYE UDABA: Ubuyiselwe kuleli umlotha kaJanice Linden
Kuthiwa le ndoda yayivele ingasaboni ngasolinye nomkayo eminyakeni yokugcina yomshado wabo owawungemnandi.
"Ngase ngimzonda ngendlela exakile. Kwase kukubi ngempela empilweni yami ngaphambi kokuthi ashone,” kusho lo wesilisa.
Unkosikazi washona ngemuva kokugula.