Ongene emzini kaMengameli nommese uthi ubefuna ukuxoxa

Washington - Umlisa ojombe uthango okubiyelwe ngalo, woqonda endlini emzini kaMengameli waseMelika, eWhite House, ubephethe ummese kanti futhi uthi wayeyingxenye yamasosha ayeyibambe e-Iraq, nosekwenze kwabuyekezwa ezokuphepha.

IWhite House – okuyindawo okusebenzela kuyona uMengameli aphinde ahlale khona – ithathwa njengendawo ephephe kakhulu emhlabeni.

Izikhulu zezokuphepha zithe lo mlisa ongene emzini kamengameli, ohlonzwe njengo-Omar Gonzalez,42, ungene kulesi sakhiwo ngaphandle kokuthola izinkinga ngoLwesihlanu.

UMengameli uBarack Obama nomndeni wakhe bebengekho endlini ngaleso sikhathi, kodwa kudingeke izintatheli nezisebenzi zikhishwe ngokushesha.

Funda nalolu daba: U-Obama ufuna olunye uxhaso lwamazwe ane-Ebola.

"Ngiqonde ku-Omar Gonzalez ngamthethisa ngimtshela ukuthi akayeke lento eyenzayo. Kodwa akangilalelanga, uvele waqonda ngqo eWhite House, egijima" kusho unogada encwadini efungelwe.

UGonzalez uboshiwe ngemuva kokungena emyango ongaseNorth Portico khona eWhite House.

Abezokuphepha bathi bathole ephethe ummese ongamasentimitha angu-8.90 ubude.

Lo mlisa ngemuva kokuboshwa kwakhe, utshele abezokuphepha ukuthi,” uyilungu lo mphakathi elikhathazekile ngesimo sezwe ngakho kukhona izincazelo abezifuna kuMengameli waseMelika ukuze yena azoziatshela abantu.” 

 – "Like" ikhasi lethu ku-Facebook uze ukwazi ukujoyina inkulumo ngolimi lwakho.

 – Landela IzindabaNews24 kuTwitter (@IzindabaNews24).