Ngokubika kweCP24 uNomanyangwa Angel Babhekile Johansson waseSandhurst eSandton ubhekene namacala amathathu okushaya izisebenzi ezimbili phakathi kule ndiza, ukuphazamisa ukusebenza kwendiza nokubeka engcupheni impilo zabantu ngaphansi komthetho wezokundiza.
OLUNYE UDABA:Kujike indiza owesilisa enukubeza owesifazane
IThe Chronicle Herald ibike ukuthi uJohansson wasebenzisa ibhodlela lamanzi ukushaya lezi zisebenzi waphinde wasebenzisa nolimi elingavumelekile endizeni eshawoda inhlamba.
Kubikwa ukuthi le ndiza ibilayishe abagibeli abangu-239 kanti amaphoyisa akuqinisekisile ukuthi akekho olimalile kulesi sigameko.
Ngokombiko le ndiza ilibale ngemizuzu engu-40 ngenxa yalesi sigameko. UJohansson kubikwa ukuthi ungaphandle ngebheyili ka-R10 000 kanti uzogcinwa eCanada kuze kuphothulwe icala lakhe njengoba ephucwe ipassport yakhe kanti uzophinde avele enkantolo ngomhlaka 22 kuJanuary 2015.
- “Like” ikhasi lethu kuFacebook ukuze uthole izindaba ngolimi lwakho