Siyakhula isibalo sabashone kuhlaselwa

Cape Town - Sekushone umfana oneminyaka emithathu ubudala kanye nobaba wakhe ngemuva kwesehlakalo sokuhlasela esenziwe amaphekula e-Abu Sayyaf ngesikhathi abantu basePhilippines begubha ukupheka komkhosi iRamadan, nosekubeka isibalo sabashonile ku-23, kusho izikhulu.

Alinganiselwa ku-40 kuya ku-50 amasosha e-Abu Sayyaf abehlome ngezibhamu avulele ngenhlamvu ngoMsombuluko kubantu abalinganiselwa kwabangu-50 abebeyovakashela izihlobo njengoba bekuyiholide.

U-General Martin Pinto uthe ezinye izakhamuzi eziyisithupha ebezilimele zisagcinwe esibhedlela kanti ezinye ezintathu ebezilimele kancane sezidedeliwe.

Ukuhlasela kwenzeke edolobheni iTalipao esifundazweni iSulu, okuyilapho amaphekula ebhace khona nakuba sekuphele iminyaka amasosha aseMelika nawasePhilippines ehlasela khona.

Imbangela yokuhlasela ibingakaziwa okwamanje. 

 – "Like" ikhasi lethu ku-Facebook uze ukwazi ukujoyina inkulumo ngolimi lwakho.

 – Landela IzindabaNews24 kuTwitter (@IzindabaNews24).