New York – Abaningi babuka u-ice cream njengo ncamnce ongenampilo kodwa ucwaningo lwakamuva seluveze ukuthi ukuwudla kakhulu kwandisa amathuba okuthola umntwana.
Ucwaningo lwakamuva luthola ukuthi ukudla kakhulu ukudla okunobisi kwandisa amathuba okuthola umntwana onempilo.
Umbiko we-Timeslive ocashunwe kwiDaily Telegraph uveze ukuthi abesifazane abangu-35 abebengaphansi kohlelo lwe-IVF esibhedlela sokuhlela abantwana iMassachusetts General babuzwe ngohlobo lokudla abakuthandayo nabakudlayo mihla namalanga.
OLUNYE UDABA: Kuthiwa lumnandi uthando uma kungenazingane
Ucwaningo luthole ukuthi abesifazane abadla kakhulu u-ice cream, ubisi, ukhilimu noshizi basemathubeni amahle okuthola umntwana onempilo.
Obehola lolu cwaningo uDkt Jodge Chavarro walesi sibhedlela uthe ubisi lwezinkomo lubalulekile futhi luyasiza ukulungisa isibeletho sowesifazane.
“Sithole ukuthi abesifazane abadla kakhulu lolu hlobo lokudla basemathubeni amahle okuthola umntwana onempilo,” echaza.
- “Like” ikhasi lethu kuFacebook ukuze uthole izindaba ngolimi lwakho