Ugasele esikoleni wagwaza 9 kwashona 3

Beijing – Owesiliswe ungene ngendluzula esikoleni samabanga aphansi maphakathi neChina wagwaza abantu abangu-9 okuhlanganisa nokubulala abathathu. 

Ngokubika kwe-eNCA lona wesilisa ugasele kulesi sikole engadle zinkobe zamuntu ephethe ummese ngoMsombuluko.

Akucacanga ukuthi bangaki kulabo abalimazile obekungabantwana besikole.

Umthombo wezindaba waseChina iXinhua ubike ukuthi besingakatholakali isizathu esiholele ekutheni lona wesilisa agile lo mshompi.

Seziningi izigameko zokuhlasela izikole esezibikiwe eChina kule minyaka eyedlule.

Lokhu sekudale ukuthi umaphakathi waseChina uphakamise ukuthi kuqiniswe ezokuphepha ezikoleni.

Iningi labazali eChina baba nengane eyodwa ngenxa yesibalo esiphezulu sabantu abaphila kuleli lizwe.

Kuthiwa lesi sigameko senzeke eShiyane esufundazweni iHubei.

Uhulumeni noMnyango wezeMfundo kuleli lizwe ubungaphawuli ngalesi sigameko.

   - “Like” ikhasi lethu kuFacebook ukuze uthole izindaba ngolimi lwakho

  - Landela IzindabaNews24 kuTwitter