Kaohsiung, Taiwan - Ukuqhuma okuqalwe ukuvuza kwegesi edolobheni eliseTaiwan, kubulale abantu abangu-22 kwathi abangu-270 bathola ukulimala ngenxa yomlilo oqubukile, kusho abezindaba.
ICentral Disaster Emergency Operation Centre ithe sekujutshwe amaphoyisa namasosha ukuba ayosiza izicishamlilo njengoba lo mlilo uthungele izitolo namabhilidi okuhlala kuwo abantu edolobheni iKaohsiung.
Abezindaba bathi kungenzeka ukuthi linyuke inani labashone kule nhlekelele.
Umthwebuli weReuters uthe lokhu kuqhuma kuqubule umlilo ogcwale kuKaihsuan Road, njengoba ubuthungeleka ngisho ezimotweni ebezipakiwe ngaphandle.
Kuthiwa ukuqhuma lokhu kungafaniswa nokuzamazama komhlaba indlela okwenzeke ngayo.
- “Like” ikhasi lethu kuFacebook ukuze uthole izindaba ngolimi lwakho
- Landela IzindabaNews24 kuTwitter