09 Oct 2015

Umqashi usolwa ngokushumpula isisebenzi ingalo

New Delhi – Izikhulu zaseNdiya sezicele ukuba iSaudi Arabia ithathele umqashi izinyathelo ezinqala kulandela izinsolo zokuthi ushumpule isisebenzi sasendlini, esidabuka eNdiya, ingalo.

“Sishaqeke kakhulu ngalesi senzo esinesihluku okuphathwe ngayo owesifazane waseNdiya eSaudi Arabia. Lokhu okwenzekile akwamukelekile neze. Inxusa lethu liyaxhumana nesisulu,” kusho uNgqongqoshe wezangaPhandle eNdiya uSushma Swaraj ebhala kuTwitter.

Ingalo kaKashturi Munirathinam, 58, ishumpulwe ngumqashi wakhe waseSaudi Arabia ngoLwesibili ebusuku ngesikhathi ezama ukweqa.

OLUNYE UDABA: Isisebenzi ezinsolweni zokubulala umqashi

Kuthiwa umqashi wenze lokhu ngemuva kokuthi isisulu sibikele iziphathimandla ngokuhlukumezeka esisebenza ngaphansi kwaso.

Lo wesifazane kuthiwa uyelulama esibhedlela kanti umndeni wakhe usucele uhulumeni waseNdiya ukuba ulekelele ekumbuyiseleni ekhaya.

Isisulu sinezinyanga ezintathu sifikile eSaudi Arabia.

We live in a world where facts and fiction get blurred

Who we choose to trust can have a profound impact on our lives. Join thousands of devoted South Africans who look to News24 to bring them news they can trust every day. As we celebrate 25 years, become a News24 subscriber as we strive to keep you informed, inspired and empowered.

Join News24 today

description

username

Show Comments ()