Tehran - Umama wase-Iran uthe akuxolelwe umbulali owalahlwa yicala lokubulala indodana yakhe ngokuyigwaza ngokuthi amqhasabule ngempama wathi akangasalengiswa akaxolelwe.
Lokhu kulandele ngemuva kokuthi umphakathi ubhikishele ukuthi kuhlengwe impilo kaBalal, nowayeneminyaka engu-19 ubudala ngesikhathi ebulala elinye ibhungu, u-Abdollah Hosseinzadeh, kuvuka ingxabano ngo-2007.
Iphephandaba iShargh lithe amaphoyisa aholele uBalal lapho ebezolengiselwa khona edolobheni iNowshahr.
Abantu bese bemi izixongololo befuna ukuzibonela okuzokwenzeka njengoba ubezolengiselwa esidlangalalelani.
USamereh Alinejad, nongumama kaHosseinzadeh, ube esegxuma kuqala ifindo seliboshiwe entanyeni yombulali, wathi akaxolelwe.
Ube esemqhasabula ngempama wathi akahambe.
Umama lo uthi wenze lokhu ngoba uyabazi ubunzima bokuhlala emzini ongenangane.
- “Like” ikhasi lethu kuFacebook ukuze uthole izindaba ngolimi lwakho
- Landela IzindabaNews24 kuTwitter