02 Oct 2014

Utholwe nonina ekwabikwa ukuthi udukile

Aastin – Iziphathimandla seziveze ukuthi intombazane yaseTexas okwabikwa ukuthi idukile eminyakeni engu-12 eyedlule itholakale nonina eMexico.

Kubikwa ukuthi le ntombazane itholakale nonina ngoLwesibili ebusuku kanti iziphathimandla seziveze ukuthi unina wayo uzothweswa amacala.

Kuthiwa le ntombazane kwabikwa ukuthi idukile ngo-2002 ngaleso sikhathi yayineminyaka engu-4 ubudala kanti kuvela ukuthi yabaleka nonina.

OLUNYE UBA: Lizoqala ngoFebhuwari icala lowayezama ukuthumba

Umbiko uveza ukuthi leli cala lafakwa ngaphansi kwalawo okuthiwa ‘America’s Most Wanted’ kabili kule minyaka eyedlule.

Kuthiwa le ntokazi esineminyaka engu-16 ubudala nonina uDara Llorens bandiziswe babuyiselwa eTexas ngoLwesithathu kanti kuvela ukuthi unina usejele futhi ubhekene necala lokuthumba.

Kubikwa ukuthi le ntombazane igcinwe endaweni ephephile engeke idalulwe.

- “Like” ikhasi lethu kuFacebook ukuze uthole izindaba ngolimi lwakho

- Landela IzindabaNews24 kuTwitter

We live in a world where facts and fiction get blurred

Who we choose to trust can have a profound impact on our lives. Join thousands of devoted South Africans who look to News24 to bring them news they can trust every day. As we celebrate 25 years, become a News24 subscriber as we strive to keep you informed, inspired and empowered.

Join News24 today

description

username

Show Comments ()