London – Obesifazane obezithwele ugwilizise izingane zakhe ezintathu
obhavini ngaphambi kokuthi azibhale ukuthi uyazithanda maqede wazibulala
ngokusho kwamaphoyisa.
Ngokubikwa kwe-Daily Mail amaphoyisa afice uFiona Anderson
esacazeke phansi ebhilidini elide abehlala kulo nezingane zakhe ezintathu.
Ngemuva kokutholakala kwesidumbu sika-Anderson sisacazeke eduze kwendawo
yokupaka izimoto aphoyisa abe eseqonda endlini lapho ebehlala khona azithela
kwizidumbu zezingane zibhalwe “Ngiyakuthanda, x” ngento yokugcoba umlomo
eziphongweni.
Amaphoyisa kubikwa ukuthi aphinde ahlangabezana nenomunye umbhalo
odongeni lwendlu “Ngiyabathanda ngizobagcine bephephile.”
OLUNYE UDABA: Uzibulele umfundisi owabulala efuna ukulala nesidumbu
Kubikwa ukuthi
u-Anderson obeneminyaka engu-23 ubudala ubulala izingane zabafana ezimbili
nentombazane eyodwa ezineminyaka ezingaphansi kwemithathu zonke ngokwehlukana
kwayo.
Ngokombiko kuvela ukuthi lokhu
ukwenziswe wukuthi waliwe nguyise wabantwana bakhe omtshele ukuthi usethole
obunye ubudlelwano obusha.
Lesi sigameko siqhaqise abaningi edolobheni
laseLondon lapho senzeke khona ngoLwesine.
- “Like” ikhasi lethu kuFacebook ukuze uthole izindaba ngolimi lwakho