China - Owesilisa waseChina uthi uhlela ukubeka icala umtholampilo owelapha ngokwezengqondo ngokumshokha ngogesi uthi wenzela ukuthi angabi yisitabane, kanjalo nesikhondlakhondla senkampani iBaidu ngokukhangisa lesi sikhungo.
IBeijing LGBT Center, nekhankasela amalungelo ezitabane, ithe leli yicala lokuqala lalolu hlobo eChina.
IChina yakufaka ngaphansi kwezifo zengqondo ubutabane ngo-2001.
UMqondisi walesi sikhungo, uXin Ying, uthe ezinye zezibhedlela nemitholampilo isaqhubeka nokuzama ukushintsha laba abathi bayizitabane.
Uthi wethemba ukuthi leli cala eliqhubeka eNkantolo yesiFunda saseHaidian, eBeijing, lizoholela ekutheni uqedwe nya lo mkhuba.
UYang Teng, 30, watshela abezindaba ze-Associated Press ukuthi ukwelashwa lokhu kwamulimaza ingqondo nasemzimbeni.
Uthi waziyela ngokwakhe okokuqala ngoFebhuwari ngesikhathi ethola ingcindezi kubazali bakhe ababethi akashadelwe bese ethola umntwana.
- “Like” ikhasi lethu kuFacebook ukuze uthole izindaba ngolimi lwakho