29 Aug 2014

Uzohambela namathuna amaqhawe uZuma eRussia

Moscow- Uzohambela amathuna amaqhawe omzabalazo akuleli angcwatshwa eRussia uMengameli Jacob Zuma njengoba esohambeni lakhe oluzothatha isonto lonke kuleli lizwe.

Ngokubika kwezindaba ze-SABC uZuma uzoya ukuyobeka izimbali emathuneni kaMoses Kotane noJohn Beaver Marks ababengabaholi beSouth African Communist Party.

Umengameli Zuma uhlangane nomlingani wakhe waseRussia uVladmir Putin ngoLwesihlanu ngenhloso yokubonisana mayelana nokubuyiswa kwezinsalela zalaba baholi eNingizimu Afrika.

Ngokombiko uKotane, uMarks no-Ivor Jones bangcwatshelwa eMoscow.

UZuma uthe uhulumeni waseNingizimu Afrika nowaseRussia uzobonisana mayelana nokuthi kumele lulungiswe kanjani uhlelo lokubuyisela amathambo alaba ezweni labo.

Umengameli Zuma uphinde wabonga wanconcoza kuhulumeni waseRussia ngokugcina ngendlela ehloniphekile amathuna alaba baholi.

- “Like” ikhasi lethu kuFacebook ukuze uthole izindaba ngolimi lwakho

- Landela IzindabaNews24 kuTwitter

We live in a world where facts and fiction get blurred

Who we choose to trust can have a profound impact on our lives. Join thousands of devoted South Africans who look to News24 to bring them news they can trust every day. As we celebrate 25 years, become a News24 subscriber as we strive to keep you informed, inspired and empowered.

Join News24 today

description

username

Show Comments ()