Umsolwa, nosekhulukuthu kumanje, kuthiwa washumpula izinhlamvu zobudoda zendoda, 60, ekhubazeke umqondo wase ekhipha inhlamvu eyodwa kwezinye iziguli ezingasakwazi ukuzenzela lutho, kusho umbiko weXinhua News Agency.
Le ndoda “yakhuleka lezi ziguli yase yenza lo monakalo ezithweni zazo zangasese isebenzisa i-razor ebuthuntu”, kucashunwa odokotela nezisulu abakhulume neXinhuahe, esifundazweni iHeilongjiang.
IXinhua icaphune owayesebenza kulesi sikhungo ethi umsolwa, noseminyakeni eko-30 ubudala, naye ongesinye seziguli esiphazamisekile ekhanda ebesigcinwa kulesi sikhungo, kepha iziguli zithi ubesebenza kuso.
Izikhulu zendawo azitholakalanga ukuba ziphawule ngalesi sigameko esenzeke ngoLwesibili.
Amakhaya abadala eChina angezinye zezikhungo ezingekho ezingeni ngenxa yokushoda kwemibhede nemali.
- “Like” ikhasi lethu kuFacebook ukuze uthole izindaba ngolimi lwakho
- Landela IzindabaNews24 kuTwitter