Dhaka – Amawele amantombazane abezalwe enomzimba owodwa namakhanda amabili ashonile eBangladesh ngaphansi kwesonto ezelwe, kusho isibhedlela ebesiwelapha ngoMsombuluko.
Izinkulungwane zabantu bezitheleka zithelekile ukuzovakashela la mawele, azalwe enamakhanda amabili, izinhliziyo ezimbili nomzimba owodwa.
Lezi zingane zibe sezingeniswa egumbini labagula kakhulu eDhaka Medical College Hospital, okuyisibhedlela esikhulu kunazo zonke eBangladesh, lapho bezelashwa khona yithimba eliyisipesheli lodokotela.
OLUNYE UDABA: Kushone izingane ezimbili umuzi wakubo wokhelwa ngomlilo
Kepha lezi zingane zibe sezidlula emhlabeni ngeSonto ngenxa yenhliziyo ebingashayi kahle.
“La mawele abevele engekho esimweni esihle kusukela ezelwe,” kusho inhloko yalolu phiko esibhedlela u-Abid Hossian Molla.
Ubaba wamawele, uJamal Mia, uthe azongcwatshwa eDhaka.