Publications
Partners
Los Angeles – Amaphoyisa aseLos Angeles athungatha abesilisa ababili mayelana nokudutshulwa kwengane yentombazane enonyaka owodwa ubudala, ilele embhedeni wayo.
Izikhulu zithi zikholelwa ekutheni abasolwa bebeqonde ukudubula ubaba wale ngane, oyingxenye yeqembu lezigelekeqe lasendaweni.
Lesi sigameko senzeke ngoLwesibili eCompton, eningizimu neLos Angeles.
Abazibonele bathi babone ushayasibhamu edubula ebhekise lapho kuhlala khona le ngane nabazali bayo.
OLUNYE UDABA: Kudutshulwe kwabulawa amadoda amabili eThekwini
Amaphoyisa abizelwe endaweni yesigameko, aphuthumisa le ngane edubuleke ekhanda esibhedlela, kepha yahlonzwa njengeshonile ifika.
"Kubukeka sengathi kuqhamuke abantu badubula bebhekiske komunye umuntu, ingane yahlangana nezimbila zithutha,” kusho owamaphoyisa uLieutenant John Corrina.
ICompton ithathwa njengelinye lamadolobha anodlame kakhulu eLos Angeles.
