Bangkok – Ithimba lamaphoyisa ligasele emzini oseningizimu yezwe laseThailand ngoMsombuluko ngemuva kokuba umnumzane wekhaya ‘edubule’ wabulala izingane zakhe ezine kulandela ingxabano abenayo nowayengunkosikazi wakhe.
Izehlakalo ezifuze lesi sezivamile kuleliya lizwe, kanti kuthiwa imbangela enkulo ukuthi izibhamu zitholakala kalula.
Funda nalolu daba: Ingane ,11, ilahlwe yicala lokubulala
Amaphoyisa athi umsolwa uzivalele endlini esesifundazweni saseTrang ngemuva kokubulala amadodana akhe amabili kanye namadodakazi amabili ngoMsombuluko ekuseni.
"Amaphoyisa kudingeke asebenzise iladi ukungena ekamereni akhiphe izidumbu. Kusho uCaptain Wittawat Paiboon kwabe-AFP, ophinde wathi lo mlisa obezivalele endlini, ubenezinkinga ebudlelwaneni bakhe nowayengunkosikazi wakhe.
– "Like" ikhasi lethu ku-Facebook uze ukwazi ukujoyina inkulumo ngolimi lwakho.