Sydney – Ingane enezinyanga ezingu-10 izelwe ikwikhoma kulandela ukusha kabi ngemuva kokushiywa kubhavu wokugeza ugeleza amanzi ashisayo.
Kuthiwa lokhu kwenziwe yisoka likamama wale ngane.
U-Atare Tepania, 23, unqatshelwe ibheyili enkantolo yaseSydney ngoMsombuluko ngokuba budedengu obuholele ekutheni kulimale ingane.
UTepania kuthiwa ushiye le ngane yodwa wahamba wayobhema wase eshaja umakhalekhukhwini wakhe.
OLUNYE UDABA: Uyavela owacishe wabulala ingane angayizali
UDetective Superintendent Brett McFadden utshele izintatheli ukuthi le ngane ithole ukwelashwa endaweni yesigameko ngaphambi kokudluliselwa esibhedlela ilimele kabi.
“Ingane ishile kanti ezinye izibazo zitshengisa ukuthi ishaywe ngesikhali esibuthuntu,” kusho uMcFadden.
UTepania uzobuyela enkantolo ngomhlaka-14 Disemba.