Publications
Partners
Anja Carstens
Kaapstad - Argentinië het Suid-Korea Donderdag met 4-1 in hul Wêreldbeker-groepwedstryd op die Soccer City-stadion in Johannesburg vernietig.
'n Eiedoel deur Park Chu-Young het aan die Argentyne 'n 1-0 voorsprong in die 15de minuut gegee.
Hoewel die Suid-Amerikaners spel gedomineer het, het die Koreane positief gespeel en sterk verdedig.
Gonzalo Higuain het die eerste van sy drie doele in die 33ste minuut met 'n kopskoot in die net gestamp.
Kort voor die blaas van die rustydfluitjie het Lee Chung-Yong Suid-Korea se enigste doel van die wedstryd aangeteken.
Die rustydtelling was 2-1.
Doelwagter Jung Sung-ryong het uitstekend gedoen om die Argentyne se doelpogings te keer, maar in die 67ste minuut het Higuain sy tweede doel geskop.
Slegs drie minute later het dié Argentyn sy driekuns met 'n netjiese kopskoot behaal.
Dié twee lande se enigste ander kragmeting by 'n Wêreldbeker was 24 jaar gelede, toe die twee spanne se afrigters Diego Maradonna en Huh Jung-Moo, opponente was. Argentinië het daardie wedstryd met 3-1 gewen.
Suid-Korea se laaste groepwedstryd is op 22 Junie teen Nigerië in Durban terwyl Argentinië op dieselfde dag teen Griekeland in Polokwane sal speel.
Bly op hoogte van al die jongste sportnuus deur Nuus24Sport op Twitter te volg.
- Sport24
Kaapstad - Argentinië het Suid-Korea Donderdag met 4-1 in hul Wêreldbeker-groepwedstryd op die Soccer City-stadion in Johannesburg vernietig.
'n Eiedoel deur Park Chu-Young het aan die Argentyne 'n 1-0 voorsprong in die 15de minuut gegee.
Hoewel die Suid-Amerikaners spel gedomineer het, het die Koreane positief gespeel en sterk verdedig.
Gonzalo Higuain het die eerste van sy drie doele in die 33ste minuut met 'n kopskoot in die net gestamp.
Kort voor die blaas van die rustydfluitjie het Lee Chung-Yong Suid-Korea se enigste doel van die wedstryd aangeteken.
Die rustydtelling was 2-1.
Doelwagter Jung Sung-ryong het uitstekend gedoen om die Argentyne se doelpogings te keer, maar in die 67ste minuut het Higuain sy tweede doel geskop.
Slegs drie minute later het dié Argentyn sy driekuns met 'n netjiese kopskoot behaal.
Dié twee lande se enigste ander kragmeting by 'n Wêreldbeker was 24 jaar gelede, toe die twee spanne se afrigters Diego Maradonna en Huh Jung-Moo, opponente was. Argentinië het daardie wedstryd met 3-1 gewen.
Suid-Korea se laaste groepwedstryd is op 22 Junie teen Nigerië in Durban terwyl Argentinië op dieselfde dag teen Griekeland in Polokwane sal speel.
Bly op hoogte van al die jongste sportnuus deur Nuus24Sport op Twitter te volg.
- Sport24
