Dakar – Minstens 23 mense is Dinsdagoggend dood in ‘n botsing tussen ‘n bus en ‘n vragmotor in Senegal, het die brandweer en plaaslike media gesê.
“Die ongeluk het tussen ‘n 36-sitplek bus en ‘n vragmotor wat steenkool vervoer het plaasgevind,” het ‘n beampte van die brandweer aan AFP gesê.
Hy sê 22 mense is dood en een is beseer, alhoewel latere berigte deur die Senegalese Press Agency gesê het die dodetal het tot 23 gestyg, met tientalle wat beseer is.
Volgens die beampte van die brandweer het die ongeluk omstreeks 03:00 (plaaslike tyd en GMT) naby die dorp Kaffrine plaasgevind. Hy het nie spesifieke besonderhede verskaf oor die oorsaak van die ongeluk nie.
“’n Ongeluk met so baie sterftes is skaars in Senegal. Die laaste ongeluk met ‘n hoë dodetal was ses maande terug toe minstens 15 mense dood is” in die noorde van die land.
– Volg Nuus24 op
Twitter
Sapa - AFP
