Kartoem - ‘n Helikopter wat Woensdag by ‘n militêre lughawe in Kartoem probeer opstyg het, het geval en een van drie mense aan boord gedood nadat een van die enjins aan die brand geslaan het, het die weermag gesê.
“‘n Mi24-helikopter wat aan die Soedannese lugmag behoort het probeer opstyg by ‘n militêre lughawe in Kartoem maar een van sy enjins het aan die brand geslaan,” het Sawarmi Khaled Saad, ‘n woordvoerder van die weermag, in ‘n verklaring gesê.
Die helikopter het die aanloopbaan verlaat en toe geval.
Een bemanningslid is dood en die ander twee beseer.
Soedan se militêre magte het glo beperkte en ou voorraad en vliegongelukke is nie ongewoon nie.
- Volg Nuus24 op
Twitter.
Sapa - AFP
