Dit was die eerste keer dat dié eer ’n Koreaanse voertuig te beurt val.
Koreaanse rygoed verkoop nie net plaaslik uitstekend nie, maar die laaste paar jaar is daar gereeld Hyundais en Kias onder die finaliste in die kompetisie wat deur die Suid-Afrikaanse Gilde van Motorjoernaliste (SAGMJ) en Wesbank aangebied word.
Vanjaar was daar twee Koreaanse motors onder die tien finaliste – die Elantra en Kia se klein Picanto, wat self ’n waardige draer van die titel sou kon wees.
Die ander finaliste was die Mercedes-Benz SLK, Audi A6, Suzuki Kizashi, Alfa Romeo Giulietta, Citroën DS4, Volkswagen Jetta, Ford Focus en die Peugeot 5008.
Verlede jaar was daar twee wenners, naamlik die Volkswagen Polo TDI en die BMW 530d.
Die kompetisie word reeds sedert 1986 deur die SAGMJ aangebied.
Om te sien wie die jurielede is wat die beoordeling gedoen het en vir watter voertuie hulle gestem het, besoek www.sagmj.org.za
– Volg Nuus24 op Twitter