Kaapstad – Suid-Afrika en Australië sal gesamentlik die SKA-radioteleskoopprojek huisves, het die
BBC berig.
Vyf SKA-lidlande het dié besluit Vrydag tydens 'n vergadering geneem.
Die SKA-organisasie het verlede maand in Nederland vergader en besluit verdere ondersoeke moet gedoen word voor 'n besluit oor die gasheerland gemaak word.
Inligting wat in Maart aan die media uitgelek is, toon dat die komitee voorgestel het dat die projek aan Suid-Afrika toegeken moet word.
Die vyf SKA-lidlande wat die finale besluit gemaak het, is Kanada, China, Italië, Nederland en die Verenigde Koninkryk.
Die SKA-projek sal die wêreld se grootste radioteleskoop wees met sowat 3 000 antennas wat so ver terug as die era net ná die oerknal sal kan sien.
Superrekenaars sal nodig wees om miljarde verwerkings per sekonde te doen.
– Volg Nuus24 op
Twitter.
