Sonvlam mis grootste deel van aarde
By: Duncan Alfreds
2012-01-24 14:19
Kaapstad – Die aarde sal nie die uitwerking voel van die koronale massa-uitwerping (CME), of son-ontploffing, wat die planeet Dinsdag gaan tref nie.
“Die bron was ‘n aktiewe area sowat 45° tot 50° weg van die son se ekwator,” het Kobus Olckers, ruimteweerkundige by die Ises Regional Space Weather Warning Centre in Hermanus aan
Nuus24 gesê.
Hy sê die grootste deel van die CME sal die planeet mis, maar weens die skaal van die ontploffing is kleiner ontwrigtings steeds moontlik.
“Meeste van die massa, ek sal sê 95% daarvan, beweeg weg van die ekliptiese baan, so dit beweeg weg van al die planete,” het Olckers gesê.
Die ekliptiese baan is die bane rondom die planete en die son. Die aarde sal meer kwesbaar wees as ‘n CME uit die son se ekwator sou uitbars.
– Volg Nuus24 op
Twitter
More Stories in Sci-tech
«Back