Publications
Partners
Washington – Virgin Galactic se ruimtetoerismetuig, die SpaceShipTwo, het Maandag sy eerste vuurpyl-aangedrewe toetsvlug voltooi en deur die klankgrens gebreek.
SpaceShipTwo se enjin is aangeskakel na dit deur ‘n ander vliegtuig tot op ‘n hoogte van 14 300 m gedra is. Die tuig het bo die Mojave-woestyn in Kalifornië self begin vlieg, het Richard Branson se maatskappy in ‘n verklaring gesê.
Die vuurpyl het 16 sekondes lank, soos beplan, gebrand – genoeg om die ruimtetuig tot 16 700 m te laat styg.
Die tuig het 'n spoed van 1,2 keer die spoed van klank bereik.
Branson, wat van die grond af die tuig se vordering dopgehou het, het voorspel dat die suksesvolle toetsvlug die weg sal baan om teen die einde van die jaar al ‘n ruimte-vlug te lanseer.
SpaceShipTwo kan net ses passasiers dra.
Meer as 500 mense het al sitplekke op SpaceShipTwo bespreek vir ‘n ruimtevlug.
Branson het voorheen gesê dat hy sy familie op een van die vlugte sal neem om te bewys dat die SpaceShipTwo veilig is.
– Volg Nuus24 op Twitter
SpaceShipTwo se enjin is aangeskakel na dit deur ‘n ander vliegtuig tot op ‘n hoogte van 14 300 m gedra is. Die tuig het bo die Mojave-woestyn in Kalifornië self begin vlieg, het Richard Branson se maatskappy in ‘n verklaring gesê.
Die vuurpyl het 16 sekondes lank, soos beplan, gebrand – genoeg om die ruimtetuig tot 16 700 m te laat styg.
Die tuig het 'n spoed van 1,2 keer die spoed van klank bereik.
Branson, wat van die grond af die tuig se vordering dopgehou het, het voorspel dat die suksesvolle toetsvlug die weg sal baan om teen die einde van die jaar al ‘n ruimte-vlug te lanseer.
SpaceShipTwo kan net ses passasiers dra.
Meer as 500 mense het al sitplekke op SpaceShipTwo bespreek vir ‘n ruimtevlug.
Branson het voorheen gesê dat hy sy familie op een van die vlugte sal neem om te bewys dat die SpaceShipTwo veilig is.
– Volg Nuus24 op Twitter
