Polisie ondersoek Nalbandian-'aanval'

Londen – Die polisie ondersoek 'n klag van beweerde aanranding teen die Argentynse tennisspeler David Nalbandian nadat 'n lynregter Sondag beseer is tydens die eindstryd van die Queens-toernooi in Londen.

Die 30-jarige is gediskwalifiseer toe hy uit woede 'n advertensiebord geskop het wat reg voor die lynregter, Andrew McDougall, gestaan het.

McDougall se been is deur die advertensiebord gesny.

"Ons is bewus van 'n voorval by die Queens-toernooi op 17 Junie. 'n Klag is aanhangig gemaak en die polisie ondersoek tans die voorval," het Scotland Yard Maandag in 'n verklaring bevestig.

Volg Nuus24Sport op Twitter.