Publications
Partners
Johannesburg – Die Suid-Afrikaanse Sokkervereniging (Safa) spook om te verhoed dat hy deur die wêreldsokkerbeheerliggaam, Fifa, geskors word, berig City Press.
Dít volg ná Fifa sy verslag oor wedstrydknoeiery voor die Wêreldbeker-sokkertoernooi uitgereik het. Name van topbeamptes van Safa word in die verslag genoem.
Die knoeiery hou verband met Bafana Bafana se vyf opwarmingswedstryde in die aanloop tot die sokkertoernooi.
Indien die beamptes skuldig bevind word, kan Suid-Afrika uitgesluit word uit internasionale sokker.
Safa het Maandag gesê sy president, Kirsten Nematandani, en vier ander personeellede – Dennis Mumble, Adeel Carelse, Lindile “Ace” Kika en Barney Kujane – is op spesiale verlof geplaas omdat hul name in die verslag verskyn.
Ander name wat ook in die verslag verskyn is dié van die voormalige hoof van skeidsregters Steve Goddard, voormalige afrigfter Pitso Mosimane en die voormalige spanbestuurder Sipho Nkumane.
"Gegewe die erns [van die kwessie] moes ons buitengewone stappe doen, insluitend om ons president op spesiale verlof te plaas, tot die ondersoek afgehandel is," het Mwelo Nonkonyana, waarnemende president van Safa, Saterdag gesê.
Nonkonyana het gesê Safa het 'n brief aan Fifa gestuur om hom in kennis te stel van die stappe wat gedoen is.
Hy het verder gesê hy het 'n brief aan 'n afgetrede regter geskryf en hom gevra om aan die stuur te wees van 'n kommissie van ondersoek na die bewerings.
Slegs die land se president kan 'n regterlike kommissie aanstel.
– Volg Nuus24Sport op Twitter
Dít volg ná Fifa sy verslag oor wedstrydknoeiery voor die Wêreldbeker-sokkertoernooi uitgereik het. Name van topbeamptes van Safa word in die verslag genoem.
Die knoeiery hou verband met Bafana Bafana se vyf opwarmingswedstryde in die aanloop tot die sokkertoernooi.
Indien die beamptes skuldig bevind word, kan Suid-Afrika uitgesluit word uit internasionale sokker.
Safa het Maandag gesê sy president, Kirsten Nematandani, en vier ander personeellede – Dennis Mumble, Adeel Carelse, Lindile “Ace” Kika en Barney Kujane – is op spesiale verlof geplaas omdat hul name in die verslag verskyn.
Ander name wat ook in die verslag verskyn is dié van die voormalige hoof van skeidsregters Steve Goddard, voormalige afrigfter Pitso Mosimane en die voormalige spanbestuurder Sipho Nkumane.
"Gegewe die erns [van die kwessie] moes ons buitengewone stappe doen, insluitend om ons president op spesiale verlof te plaas, tot die ondersoek afgehandel is," het Mwelo Nonkonyana, waarnemende president van Safa, Saterdag gesê.
Nonkonyana het gesê Safa het 'n brief aan Fifa gestuur om hom in kennis te stel van die stappe wat gedoen is.
Hy het verder gesê hy het 'n brief aan 'n afgetrede regter geskryf en hom gevra om aan die stuur te wees van 'n kommissie van ondersoek na die bewerings.
Slegs die land se president kan 'n regterlike kommissie aanstel.
– Volg Nuus24Sport op Twitter
